نصائح وملعومات سريعه

لطعم بطاطس مقليه مميز انقعيها فى ماء مضاف له ملح وخل ولكن تذوقى الماء بعد تقليب الملح والخل علشان تتأكدى انها مش هتكون مالحة و لكى تتجنبى عند وضع البطاطس ان يتطاير بعض الزيت فيؤذيكى ضعى البطاطس على فوطه نظيفه تمتص الماء قبل تحميرها مباشرة ولكى تصبح اكثر قرمشة اجعلى النار متوسطه وابتعدى عن قليها على نار حاميه لانها تغمق لونها من الخارج وتكون نيئه من الداخل
-
للتخلص من رائحة الاسماك فى المنزل بعد طهيه نضع ملعقتين طعام قرفه مطحونه فى اناء بها ماء ونتركه على النار يغلى حتى تتبخر كميه من الماء دون تغطية الاناء وسوف تتخلصى نهائيا من رائحة الاسماك
-
للحصول على طبقة خارجية على الفراخ المصنوعة بالمنزل بطريقة كنتاكى وحتى تكون النتيجه مشابهه استخدمى الكورن فليكس بعد طحنه قليلا بديلا عن البقسماط المطحون
طريقة تلميع الالومنيوم: من الأخر مفيش حاجة بتلمع الالومنيوم وتزيل طبقة اكسيد الالومنيوم اللى بتضر الصحة غير طريقة الجدات والامهات وهى استخدام السلك الالومنيوم الناعم مع الصابون القطع وموجود فى الاسواق فيه نوع اسمه صن لايت كويس جدا مش السائل السائل بيصعب عليكى حركة السلك ومبيلمعش الالومنيوم
طريقة عمل المايونيز
صفار بيضتين, ملعقة مسترده"خردل" ملعقة كبيرة خل ,كوب زيت نباتى يفضل عباد شمس او ذره,ذرة ملح و ذرة فلفل
الطريقة يخلط صفار البيض مع المسترده والخل والملح والفلفل فى وعاء كبير ويضرب جيدا بالمضرب بسرعه بطيئه واثناء الخفق نضيف مقدار بسيط من الزيت قطره قطره حتى يبدأ فى ان يتكثف ويغلظ قوامه وبعدها نضيف باقى كمية الزيت ببطىء على شكل خيط رفيع جدا مع الاستمرار بالخفق حتى يصل الى القوام المطلوب
:لضمان طعم جيد للحلويات لا تستخدمى سوى الزبده الصفراء البقرى والسمن الصفراء البقرى اللى هى من السوبر ماركت , السمن البلدى او الزبده البلدى اكثر من ممتازه فى الطبخ فقط لكن تجعل طعم الحلويات سيىء جدا
لتنظيف الاوانى الاستنلس استيل وحتى تكون دائما وكأنها جديده تغسل كل فتره بصابون سائل مضاف اليه خل
-
لعمل نوع لذيذ من المثلجات يشبه الأيس كريم .يخلط أى نوع من عصير الفواكه الفريش و مفضل لديك و محلى بسكر حسب الرغبه .لكن يراعى ان يكون سميك جدا ويخلط مع زبادى ونختبر مذاقه ويوضع بعدها بالفريزر ويتم تقديمه بنفس طريقة تقديم الايس كريم ,,,لكل كوب عصير عصير كوب زبادى
لسرعة تقشير الثوم ينقع فى ماء بارد من الحنفيه قبل التقشير بنص ساعة
للتخلص من اللون الاسود على اليدين بعد تنظيف الباذنجان او الخرشوف او تقطيف الملوخية تدلك اليدين والاظافر بنصف ليمونه
الأفضل من الذهاب لدكتور الريجيم أو طبخ وصفات وطبخات مخصوصة للريجيم والدكتور بقى ينصحك بأكل سمكتين وواحدة جمبرى النهاردة وبكره لحمه مشوية وبعده فى الفرن وترهقى نفسك وأسرتك بميزانيه جديدة للدكتور وطبخاته وأول ما توقفى نظامه تلاقى نفسك تخنتى بدل ما تخسى .كلى كل حاجة تحبيها بكمية صغيره متحرميش نفسك لانه بيقلب بعد كده بنتيجه عكسية والنصيحة لو أكلتى بطاطس متاكليش عيش ولو أكلتى مكرونه متاكليش بطاطس و اطبخى الاكل بنسبه دهون بسيطه ووصفات الفرن متحطيش اى دهون نهائى قللى السكر والملح والطعام المقلى ومش هقولك ابعدى عن الحلويات وتيجى يوم الفرى تخلصى عليها نصيحتى تذوقى الحلويات فقط اتعلمى تدوقى اللى بتحبيه من غير ما تاكلى منه خسى بالراحة احسن ما تخسى بسرعة ووشك يكرمش وترجعى تتخنى اكتر ,اشتغلى فى البيت وانزلى هاتى طلباتك بدل الدليفرى وانزلى امشى مرتين فى الاسبوع مشى سريع واشربى مياه كتير قبل الاكل بتسد النفس جدا اشفطى بطنك وانت قاعده مع الوقت هتلاقيها بدأت تتظبط
لتنظيف البويلر من الترسبات الكلسية وايضا لازالة بقع السيراميك الميئوس منها ضعى ملح ليمون مع مسحوق غسالات عاديه وقليل من الماء واتركيه دقيقتين وسوف ترين كيف ان اى بقع تفور وتختفى فى ثوانى دون ان تؤثر لا على الاستنلس داخل البويلر وممكن فى البويلر لو البقع زائده جدا زودى المياه وشغليه يسخن المياه بالمسحوق وملح الليمون وكونى حريصة تطفئيه قبل الغليان حتى لا يفور ولا يؤثر مطلقا على طبقة المينا فى السيراميك عكس المساحيق الغاليه التى اذا نظفت تدمر طبقة المينا على سطح السيراميك,,,ملح الليمون متوفر عند كل العطارين"
اجود انواع البهارات التى نستخدمها فى المحشى وتشتريها من العطار مطحونه يفضل شرائها على صورتها اذا كان العطار مش ثقة و بنسبها التى يعرفها العطار واما ان يطحنها لكى وقتها او تطحنيها فى المنزل كلما احتجتى كميه تطحني كميه تكفيكى مده حتى تكون طازجة دوما ,لان بعض العطارين يبيعونها غاليه رغم انه احيانا يقلل المكونات الغاليه ويزيد من الرخيصة وهى تتكون من: بتلات ورد بلدى,جوزة الطيب .كبيبهصينى,قرفه خشب,فلفل ابيض,ورق لورا ,حبهان,جذور جنزبيل جاف ,ليمون جاف,قرنفل ,حصا البان
لو بتحبى الممبار وتنضيف الجزار مش بيعجبك ومبتعرفيش تنظفيه ,فطريقة تنظيفه كالتالى اقلبى الممبار على حنفية المياه تقلبى طرف صغير وبالماء سينزلق الممبار ويقلب بسهولة لتكون الناحية النظيفه المحتويه على قليل من الدهون على جانبه فى الداخل والناحيه التى تحتاج تنظيف للخارج وانقعيه فى ماء مضاف اليه خل وملح ودقيق بعد دقائق هتلاقى لونه بقى ناصع البياض وكده كأنك عقمتيه بالظبط وقتها لفيه على ايديكى او ضعيه على سطح وابدأى بخفه بالسكينه المرور عليه هتلاقى الطبقة سيئة الرائحة والتى ينظفها الجزار لكن ليس بالمستوى المطلوب تنفصل عنه بعد ان تنتهى من تنظيفه اغسليه جيدا وقطعيه احجام متساوية وضعيه فى مصفاه ثم ابدئى بحشوه, دائما احشي الممبار من داخل الطبقة التى لا تحتاج تنظيف التى تحوى قليل من الدهون والاخرى التى تنظفيها بالخارج
-
نصيحة لكى:علشان تحافظى على بيتك من الحشرات حطى جاز كل فترة فى البلاعات وعلشان تتخلصى من النمل فى المطبخ نظفيه بجاز هيلمع ويرجع جديد ومن غير نمل
تتبيل اللحوم والدجاج باللبن الرائب أو الزبادى يضيف طعم مميز للانواع التى تريدين شيها او تسويتها بالفرن
-
من اشهر محلات الكباب فى مصر الرفاعى بالسيده زينب وسألته ليه الكباب لما بنشوية على فحم علشان يستوى بيتحرق ويتفحم والكفته بتفك ليه وعرفت انه مبيتبلش الكفته اللى هتتشوى على الفحم فى الاسياخ فقط بيفرمها ومعاها ملح وبعد كده قبل شويها مباشرة بيبل ايده بخلطة تتبيل الكباب وهى طماطم مبشورة وبصل مفروم وملح فقط وقالى فى البيت بيتحرق لما بتشويه على الفحم لان بيتحط عليه وليمون وخل وده نتيجته سيئه فى شوى الفحم ولازم لحمة الكفته والكباب والريش المشوية على الفحم تكون ضانى لان دهونها على الفحم هى ديه اللى بتديها الطعم المميز
أحلى وصفة طبيعية لتعطير المنزل :زيت عطرى برائحة الورود والفواكه تحطيه فى زجاجه ببخاخ وتزودى مياه وترجيه كويس وترشى على لمبة الانارة فى وقتها رائحة المنزل هتكون رائعه مهم تكون اللمبه مطفيه يفضل بالنهار ولما هتنورى النور بالليل بمجرد ما تسخن اللمبه هتلاقى رائحة المنزل فاكهه وزهور وكده هيبقى البيت ليل نهار رائحته جميلة وتهدى الأعصاب
وصفة سريعة :لعمل بطاطس فريسكس نقطع البطاطس اصابع ونحطها فى ميه سخنه فيها ملعقتين طعام خل وملعقة صغيرة ملح ثم نخلط دقيق مع ماء و قليل من الشطه الحمرا الناعمه وملح خفيف و ربع ملعقة صغيرة بيكربونات صوديوم او ملعقة صغيرة بيكنج بودر حتى تتكون عجينه لا سائلة ولا صلبه و تشبه كثيرا عجينة القرنبيط البانيه ثم تصفى البطاطس من الماء وتوضع فى الخليط ثم تقلى فى الزيت على نارمتوسطة
معلومة لكى: خلى دايما فى مطبخك بيكربونات صوديوم لان استخداماتها متتعدش اولا لنعومة ايديكى دلكى ايديكى بيها مع ليمون وفى الطبخ اضافتها للمولوخيه الخضراء بتحافظ على لون الملوخية الاخضر انه ميتغيرش بفعل التسخين وبتستخدم فى صنع المافن كيك وكمان فى مشروب العرقسوس ده غير انها مع الخل بتفور اى رواسب فى الاحواض وكمان بيتعمل منها البيكنج بودر ونتيجتها احسن منه لانها مش مخلوطة بأى حاجة تانيه لكن بتتحط بنسبه اقل منه
نصيحة لكى :علشان توفرى وقت ومجهود فى العزومات ممكن تستخدمى صوانى الفرن الفويل بدل الصوانى العادية للاستخدام مره واحدة وبعد العزومة ترميها وبكده بدل ما تغسلى اهرامات اوانى هتقللى الكمية ده غير ان الاوانى العادية بعد دخولها الفرن بتحتاج مجهود فى التنظيف
معلومة لكى :حتى تحصلى على عجائن طرية اضيفى ملعقة طعام لبن بودرة للعجين
للحفاظ على الجبن القريش مدة اطول تغلى مياه مضاف ليها ملح ولما تبرد تحطى فيها الجبنه وتحطيها فى التلاجه

وبالنسبة للاجبان الصلبة زى الشيدر نضع قالب سكر صغير فى العلبه

سبحان الله وبحمده سبحان الله العظيم



لاتدع الانترنت او التلفاز يلهيك عن ذكر الله!!؟







منقوول للامانه

اتمنى تستفيدون من المواضيع لان فيه وقت جد منه يعني وقت الاستغفار والادعيه والصلاه على النبي واشياء
وقت لعب منه العاب وقصص ونكت وكل شيء






































يارب تدوم علينا الفرحه والبسمه والعلم والثقافه والاشياء الحلوه والسعاده ويارب مانتفرق قولوا اميين






















اكثروا الادعيه ان الله يحب عباده ان يتقربوا اليه

تسلمين يا شهووووووده ( شؤو شه)

اللهـ يسلمك ياقليب
(ضــيـــــ ــــو ـــــ ن ـــهـ)

طولته مو؟؟


(ضيونه)